आगन्तुक तान्दै तेह्रथुमको घर्ते खोलाको सुन्दर किर्तिम छाँगो

म्याङ्लुङ:  एकातिर छ खोरुङ्गा खोला । अर्कोतिर छ घर्ते खोला । घर्ते खोलालाई सामान्य संरचना बनाएर झरनाको शैलीमा झारिएको छ । छाँगो बनाएर झरेको घर्ते खोला खोरुङ्गामै मिसिन्छ ।

छाँगो बनाइएको ठाउँ नजिकै एक सुन्दर कटेज बनाइएको छ । झरना र कटेजको सङ्गमले दृश्य अत्यन्तै सुन्दर देखिन्छ । र, त्यही दृश्यमा तस्बिर, भिडियो कैद गर्ने आगन्तुकको भिडभाड भइरहन्छ ।